១០ ចំនុចដែលអ្នកគួរដឹងនៅក្នុង Viber (Android)
Viber
គឺជាកម្មវិធីសម្រាប់ជជែកកម្សាន្តដែលមានអ្នកប្រើប្រាស់ជាច្រើន
ជុំវិញពិភពលោកមិនចាញ់ LINE និង WhatsApp ប៉ុន្មានទេ ។ ចាប់តាំងពីឆ្នាំ
២០១០ រហូតដល់ឆ្នាំ ២០១៤ នេះ Viber មានអ្នកប្រើប្រាស់សរុប
ចំនួនច្រើនជាង ២០០លាននាក់មកហើយ
ដែលកម្មវិធីនេះមិនត្រឹមតែអាចឱ្យអ្នកជជែកកម្សាន្តតាមរយៈអក្សរ
ប៉ុន្មោះទេ ថែមទាំងមាន Sticker និង Emotion យ៉ាងច្រើន ។
សំបុកអាយធីសូម
បង្ហាញអ្នកពីរបៀបប្រើប្រាស់មួយចំនួននៅលើ Viber
ដែលធ្វើឱ្យអ្នកប្រើប្រាស់កាន់តែមានប្រសិទ្ធិភាព
ក្នុងការប្រើប្រាស់នឹងប្រើប្រាស់បានត្រឹមត្រូវ។
១. ដាក់ឱ្យដំណើរការ Smart Notifications
តាមធម្មតាអ្នកនឹង
ទទួលគ្រប់ជំនួនដំណឹងដែលមិត្តរបស់អ្នកផ្ញើអ្វីមកអ្នកតាម Viber
បន្តបន្ទាប់គ្នា ។
ប្រសិនបើអ្នកគិតថាវារំខានដែលត្រូវលឺសំលេងជំនូនដំណឹងគ្រប់ពេលនោះ
អ្នកគួរតែ ដាក់ឱ្យដំណើរការ Smart Notifications ដើម្បីឱ្យ Viber បង្រួម ជំនូនដំណឹងដែលចេញពីមិត្តតែម្នាក់ដដែលទៅជា ជំនូនដំណឹងតែមួយ។
- សូមចូលទៅ Chat Room រវាងអ្នកនឹងមិត្តអ្នកណាមួយដែលអ្នកចង់ដាក់ដំណើរការ Smart Notification ហើយ Swipe ទៅឆ្វេង
- ចុចលើ Smart Notifications ដើម្បីឱ្យវាដំណើរការ
២. ឆាតជាមួយមនុស្សច្រើននាក់
ប្រសិនបើអ្នក
ជជែកកម្សាន្តជាមួយមិត្តច្រើនក្នុងពេលតែមួយ
អ្នកប្រហែលជាត្រូវពិបាកប្តូរទៅប្តូរមក ។
យើងសូមបង្ហាញអ្នកពីរបៀបប្តូរទៅ Chat Room ដែលអ្នកអាចជជែកបានលឿន
និងមិនរំខាន ។
- ចូលទៅ Chat Room របស់មិត្តអ្នកដែល Chat ជាមួយអ្នក ហើយ Swipe ទៅស្តាំ ។
- នៅពេលនេះអ្នកអាចមើលឃើញ Active Chat Room ទាំងអស់ ដូចនេះអ្នករិតតែងាយស្រួលក្នុងការប្តូរទៅប្តូរមករវាងមិត្តរបស់អ្នក ឬនៅក្នុងក្រុមជជែកកម្សាន្តរបស់អ្នក
៣. Block និង Unblock លេខ Contact នៅលើ Viber
នៅក្នុង Viber ការ
Block អ្នកណាម្នាក់មានលក្ខណៈខុសពី Social Media ផ្សេងៗ
ដោយអ្នកដែលត្រូវបានអ្នក Block មិនអាច Chat ជាមួយអ្នកដោយផ្ទាល់បានទេ
តែនៅតែអាច ឃើញគ្នានៅក្នុង Group Chat ដដែល ។ ដើម្បី Block ឬ Unblock
អ្នកណាម្នាក់សូមធ្វើតាមដូចខាងក្រោម
Block លេខ Contact :
- ចូលទៅ Chat Room រវាងអ្នក និងគេ ដែលអ្នកចង់ Block ហើយ Swipe ទៅឆ្វេង ហើយចុចលើ Navicon ដែលនៅខាងលើ និងខាងស្តាំ
- ចុច Block ដើម្បី Block អ្នកនោះ ។
Unblocking លេខ Contact:
- ចូលទៅ Main Page ហើយចុចលើ Navicon ដែលនៅខាងក្រោមបង្អស់ ហើយ ចូលទៅ Settings
- Privacy > Block List
- ចុចលើ Unblock ។
៤. បិទ Seen និង Online Status
អ្នកមិនចង់ឱ្យគេ
ឃើញថាអ្នកកំពុង Online ឬ មិនចង់ឱ្យគេដឹងថាអ្នកបានឃើញសារ (Seen)
ដែលគេបានផ្ញើមកអ្នកនោះទេ ។ អ្នកពិតជាអាចបិទដំណើរការ
នៃលក្ខណៈបាន ដើម្បីទទួលបានភាពឯកជនរបស់អ្នកបន្ថែម ។
របៀបបិទ Seen
- នៅលើ Main Page ចុចលើ Navicon ហើយចុចលើ Settings
- ចុចលើ Privacy និង ដក Tick ចេញពី Send ‘Seen’ Status ។
របៀបបិទ Online Status (បាន ២៤ ម៉ោង)
- ចូលទៅ Main Page របស់ Viber ហើយចុចលើ Navicon ហើយចុចលើ Settings
- ចុចលើ Privacy ហើយ ដក Tick ចេញពី Share ‘Online’ Status ។
៥. របៀបបិទជំនូនដំណឹង (Notifications)
អ្នកកំពុងតែធ្វើការ ហើយអ្នកចង់ផ្តោតទៅលើការងារជាជាងលឺសំលេងរំខានផ្សេងៗ ចេញពីទូរស័ព្ទដៃរបស់អ្នកជាពិសេស Notification ពីមិត្តរបស់អ្នកនៅក្នុងក្រុមជជែកកំសាន្ត នៅក្នុង Viber
- ចូលទៅ Main Page ហើយចុចលើ Navicon ហើយជ្រើសយក Settings
- ចុចលើ Notifications ហើយ ដក Tick ចេញគ្រប់ជម្រើសទាំងអស់
- ឬអ្នកអាច បិទជំនូនដំណឹងពី Viber តាមរយៈ Settings របស់ Android ដោយចូលទៅ Settings >Apps > Viber ហើយដក Tick ចេញពី Show notifications ។
៦. បិទភ្លើងអេក្រង់នៅពេលមានជំនូនដំណឹង
នៅពេលដែលមាន
មិត្តណាម្នាក់ផ្ញើសារមកអ្នកតាម Viber
ភ្លើងអេក្រង់ទូរស័ព្ទរបស់អ្នកតែងតែភ្លឺជានិច្ចដែលធ្វើឱ្យ
ទូរស័ព្ទរបស់អ្នកងាយអស់ថ្ម អ្នកអាចបិទវាបានដោយ៖
- ចុចលើ Navicon ដែលនៅលើ Main Page របស់ Viber ហើយចុច Settings
- បន្ទាប់មក ចុចលើ Notifications ហើយដក tick ចេញពី Light screen for messages ។
៧. បៀបលុបសារ
អ្នកអាចលុបសារ
ដែលអ្នកធ្លាប់បានផ្ញើទៅមិត្តរបស់អ្នកបាន
តែវាអាចលុបបានត្រឹមតែនៅក្នុងទូរស័ព្ទរបស់អ្នកប៉ុន្នោះ
នៅក្នុងទូរសព្ទរបស់មិត្តអ្នកនៅតែដដែល។
- ចូលទៅ Chat Room របស់មិត្តរបស់អ្នក ហើយចុចឱ្យជាប់ទៅលើ សារណាមួយដែលអ្នកចង់លុប ហើយចុចលើ Delete ។
៨. វិធីកំណត់ WiFi Sleep
ជាទូទៅ Viber
តែងតែដាក់ឲ្យដំណើរការ WiFi (Active) ជាប្រក្រតីដើម្បីឲ្យអ្នក
អាចទទួលការជូនដំណឹងផ្សេងៗពេលមាននរណាម្នាក់ផ្ញើសារមកអ្នក ។
យ៉ាងណាមិញ លោកអ្នកក៏អាចកំណត់មិនឲ្យដំណើរការ WiFi (Sleep) ចំពោះ Viber បានផងដែរ ដោយអនុវត្តន៍តាមខាងក្រោម៖
- សូមចុចលើ Navicon នៅលើ Main Page, ហើយចូលទៅកាន់ Settings
- បន្ទាប់មកចុចលើ General និងចុចលើ Wi-Fi sleep policy
- សូមជ្រើសយក Use device’s settings ។
៩. Doodle លើរូបភាព
តើលោកអ្នកដឹង
ទេថា លោកអ្នកអាច Doodle លើរូបភាពនានា នៅក្នុង Android Phone របស់អ្នក ?
នៅពេលដែលលោកអ្នកទទួលបានរូបភាពពីមិត្តភក្តិលោកអ្នក
ឬតាមរយៈការថតរូបដោយប្រើកាមេរ៉ាទូរស័ព្ទ លោកអ្នកនៅតែអាចប្រើ
Doodle លើរូបភាពទាំងនោះបាន ។
* Doodle គឺការប្រើប្រាស់រូបដូចជាផ្កាយ ផ្កា ស្លឹកឈើ ជាដើម មកគូសវាងបន្ថែមលើរូបភាពណាមួយ ។
- សូមចុចលើរូបភាពដែលអ្នកបានទទួលពី Viber និងចុចលើ Navicon បន្ទាប់មកជ្រើសរើស Doodle on this photo ។
- លោកអ្នកប្រើ Brush options, Eraser, Colors ឬអាចប្តូរទៅរូបភាពដទៃក្នុង Doodle editor ។
- ក្រោយពីបានគូសវាសរួចហើយអ្នកអាចចុច SEND ដើម្បីផ្ញើ Doodle របស់អ្នកទៅមិត្តភក្តិនៅក្នុង Viber របស់អ្នក ។
១០. ដំណើរការសន្ទនាជារូបភាព – Conversations Gallery
អ្នកនិង
មិត្តរបស់អ្នកបានចែករំលែក នូវរូបភាព វីដេអូជាច្រើននៅលើ Viber
ហើយអ្នកចង់ចូលមើលម្តងទៀតដោយមិនចង់ Scroll ទៅរកម្តងទៀតនោះទេ
ដូចនេះយើងនឹងបង្ហាញអ្នកពីរបៀប ចូលទៅកាន់រូបភាពនិង
វីដេអូទាំងនោះម្តងទៀត ។
- ចូលទៅ Chat Room របស់មិត្តអ្នក ហើយ Swipe ទៅឆ្វេង
- ជ្រើសយក Conversation Gallery ហើយ Swipe ទៅឆ្វេងឬ ស្តាំដើម្បីមើលរូបភាពឬ វិដេអូទាំងនោះ ។
គន្លឹះទាំង ១០ខាងលើដែលសំបុកអាbយធី បានរៀបរាប់មកនេះ សង្ឃឹមថានឹងអាចជួយលោកអ្នកឲ្យប្រើប្រាស់ Viber កាន់តែងាយស្រួល និងមានប្រសិទ្ធភាពជាងមុនទៀត ។ តើលោកអ្នកធ្លាប់ដឹងពីគន្លឹះទាំងនេះ ដែរឬទេ? បើមានគន្លឹះផ្សេងពីនេះ អាចចែករំលែកជាមួយក្រុមការងារសំបុកអាយធី ផងតាមរយៈមតិខាងក្រោម ៕
No comments:
Post a Comment